Aintzinaroko agintariak eta aginte moduak

Polikrates Tiranoa / Diktadura

570 BCE

Anakreonte poeta lirikoa agintari baten gortean bizi izan zen. Era berean, Pitagoras matematikaria jaio zen uharte berean izan zen agintari gure pertsonaia ezkutua.

Alejandro handia Erregea / Monarkia

356 BCE

Mesopotamiako Hamurabi erregeak lehen lege-bilduma idatzi zuen, Pariseko museoan erakusgai dagoen basaltozko zutarria. Hamurabiren ondoren, 1.400 urte inguru, Greziako Mazedonia lurraldetik zetorren armadak, Hamurabiren inperioaren hiriburua konkistatu zuen buruzagi ospetsu baten gidaritzapean. Urte gutxi geroago, konkistatzaile greziarra hiriburu hartan bertan hil zen.
K.a 356-323.

Luzio Kornelio Sila Kontsula eta diktadore / Errepublikako Tirania

138 BCE

Pertsonaia honek Dardanoseko Hitzarmena sinatu zuen K.a. 86. urtean, Lehen Gerra Mitridatikoari amaiera emanez. Era berean, Italiara itzultzean, Erromako lehen gerra zibila piztu zen. Erromako monarkiaren ondorengo aginte-moduan bi kargu garrantzitsu izan zituen.

Kleopatra Faraoia / Teokrazia

69 BCE

Erromatar Inperioak 500 bat urte iraun zuen, K.a. 27. urtean hasita. Lehen enperadorearen aurretik agindu zuena sarritan agertzen da Asterix eta Obelix komikietan. Politiko eta militar erromatar hark garaipen handiak lortu zituen, eta Egiptora ere iritsi zen. Han bertako faraoia kendu eta haren arreba jarri zuen agintean.

Boudicca Erregina / Monarkia

60 BCE

Gaur egungo Britainia Handian bizi ziren tribu zeltek aurre egin zieten erromatarren inbasioei. Gogor borrokatu ziren inbaditzaileen aurka, eta, une batez, Londinium (gaurko Londres) hiria ere bereganatu zuten. Kaio Suetonio Paulino gobernadore erromatarrak birrindu zituen K.a. 61. urtean. Zelten erreginak bere buruaz beste egin zuen, porrota jasan ezinik.

Quin Shi Huang Enperadorea / Monarkia-Inperioa

57 BCE

Txinako Xi’an hiriko ondarerik ezagunena buztin gogortuz egindako armadaren irudiak dira. Enperadoreak, hil ondoren ere bere agindupeko tropak izaten jarraituko zuela pentsatuz, tamaina errealeko 6.000 zaldi eta gerlariren irudiekin lurperatu nahi izan zuen. Irudiek neurri naturala dute eta bakoitza desberdina da: biboteak, orrazkerak, gazteak, zaharrak, hainbat etniatako ezaugarriak... Beste lekuetan gertatu bezala, dinastia erori ondoren, nekazariek hilobiak arpilatu egin zituzten.

Versingetorix buruzagia / Leñu antolaketa

52 BCE

Ponpeiok Pompaelo (Iruñea) hiria sortu zuen herrixka zahar baten gainean. Ponpeio erromatar jeneralak, Kraso eta beste hirugarren batekin, lehen triunbiratua eratu zuen. Triunbiratuko hirugarren kide hura senatuko eskaileretan erail zuten
gero. Baina, aurrez, hirugarren kide horrek sekulako garaipena lortu zuen Alesian, Galia osoko armada batuaren aurka. Gainera, galiarren buruzagia preso hartu eta Erromara eraman zuen, jendaurrean erakusteko. Gero, lepoa moztu zion.